Me ftesë të presidentit të Republikës së Shqipërisë, shkëlqesisë së Tij z. Bujar Nishani, një grup nxënësish dhe arsimtarë, vizituan shtetin shqiptar më 08-10.04.2016.
Pas vizitave të vendeve me rëndësi të veçantë historike, arkeologjike etj, patëm rastin të vizitojmë presidencën e shtetit shqiptar. Pritja e presidentit Nishani ishte shumë bujare, i cili na njoftoi me gjendjen e situatës momentale në Shqipëri dhe rajon. Ishte në detaje i njohur me problemet e shqiptarëve në Luginë.
Shefi i kabinetit të presidentit, profesori Flamur Gashi, na shoqëroi gjatë gjithë kohës sa qëndruam në shtetin shqiptar. Nxënësit patën rastin të bisedojnë me presidentin dhe ta njoftojnë ate me të arriturat e tyre, planet në të ardhmen dhe mundësinë e ndihmës materiale që mund të ndaj shteti shqiptar për studentët e Luginës.
Ishte një moment i paharruar, i cili duhet lartë vlerësuar, sepse ishte rasti i parë që nxënësit e Luginës të vizitonin presidencën e Republikës së Shqipërisë.
Më poshtë mund të shihni një galeri të fotografive të realizuara gjatë kësaj vizite.
