Nga dita e diel (17.11.2019) shkollën tonë e vizituan një grupë nxënësish nga “Liceu Shehremin”, komuna e Fatihut nga Stambolli, të udhëhequra nga koordinatori Osman Ay dhe profesoresha Ayshe Boran.
Nxënësit u vendosën nëpër familjet e nxënësve tanë, të cilët vazhdimisht u përkujdesën për bashkëmoshatarët e tyre nga Stambolli, traditë e filluar nga viti i kaluar, kur bëmë vizita reciproke mes dy shkollave tona.
Nxënësit e të dy shkollave ditën e diel organizuan një piknik te Liqeni i Bujanocit, vizituan qytetin e Nishit, pastaj u pritën edhe nga kryetari i komunës së Bujanocit.
Drejtori i shkollës z. Zejni Fejzullahu ndau mirënjohje, në shenjë respekti për bashkëpunimin e ndërsjelltë, për shkollën e mesme elite të Stambollit.
Koordinatorja e projektit të shkollës sonë Arta Hasani Maksuti e vlerësoi lartë nivelin e bashkëpunimit mes dy shkollave, i cili do të vazhdojë me vizitën e nxënësve tanë në prill 2020.
Mysafirët u larguan nga Bujanoci më 20.11.2019. Me këtë rast falemenderojmë prindërit e nxënësve që ishin nikoqirë të bashkëmoshatarëve nga Stambolli, komunën e Bujanocit për mbulimin e shpenzimeve si dhe personelin e shkollës për përkujdesje gjatë tërë kohës sa qëndruan ata në Bujanoc.
