Sot, ne shkollën tonë u zhvillua një orë e përbashkët mësimore me nxënësit nga shkollat e mesme “Sezai Surroi” dhe “Shën Sava” në Bujanoc.
Ora mësimore u mbajt në lëndën e gjuhës angleze nga mësimdhënse Suzana Latifi dhe Jelena Jovanovic.
Edhe pas përfundimit të projektit ,,Qyteti ynë, shkollat tona” i realizuar nga Trupi Koordinues i Qeverisë së Serbisë për komunat e Preshevës, Bujanocit dhe Medvegjës, Grupa 484 dhe Fondacioni për Fëmijë Pestalozzi shkolla jonë vazhdon të mbështesë qëllimet e tij në praktikën mësimore.
Aktiviteti ofroi mundësi për të integruar përvojat e nxënësve në një mjedis të sigurt dhe të respektueshëm, duke nxitur:
- pjesëmarrje aktive në mësim,
- bashkëpunim ndërmjet nxënësve,
- shprehje dhe ndarjen e ideve,
- përforcimin e vlerave të tolerancës dhe mirëkuptimit.
Ky aktivitet tregon qartë se projektet nuk mbarojnë me datën e tyre zyrtare, përkushtimi për arsim cilësor dhe zhvillim të aftësive sociale dhe emocionale të nxënësve vazhdon përmes veprimeve konkrete në mësim dhe aktivitete shkollore.
Nga shërbimi i shkollës.
